Françesko Toti do të jetë banori më i ri i një ndërtese luksoze në Romë. Futbollisti së bashku me bashkëshorten, showgirl-in Ilari Blazi, dhe fëmijët do të zhvendosen në qiellgërvishtësen Eurosky, në Romë.
Ndërtesa me lartësi 120 metër përbëhet nga 27 kate dhe konsiderohet si një xhevahir i teknologjisë moderne. Apartamentet janë të pajisur me kompjuterë të vendosur në mure, të cilët programojnë aktivitetet e shtëpisë, si hapjen dhe mbylljen e dritareve apo grilave, intensitetin e dritës nëpër dhoma, ngrohjen, alarmin dhe gjithçka tjetër që teknologjia ofron përt një shtëpi moderne.
Bomberi i Romës dhe prezantuesja televizive nuk do të shqetësohen më as për mbeturinat, pasi edhe për to është gjetur një zgjidhje teknologjike.
Hapësira e blerë nga çifti Toti-Blazi përbëhet nga 36 dhoma, të gjitha pa çelës. Kjo pasi edhe për hapjen e dyerve, kompania ka menduar një çelës teknologjik: aparaturën me prekje që njeh gjurmët e gishtave të pronarëve.
