Një 65-vjeçar është arrestuar nga policia e Tiranës pasi detyronte me forcë një 40-vjeçare që të kryente marrëdhënie seksuale kundrejt pagesës. I arrestuari është Namik Cukaj 65 vjeç, i dënuar edhe më parë për shfrytëzim prostitucioni.
Gjatë kontrollit të ushtruar në rrugën “Shyqyri Ishmi”, në një banesë e cila ishte përshtatur dhe kthyer në bazë prostitucioni, është gjetur e mbyllur në një dhomë 40-vjeçarja M.C nga Durrësi.
Nga hetimet rezulton se 40-vjeçarja shfrytezohej për qëllime prostitucioni pa deshirën e saj dhe nën presion duke ushtruar dhe dhunë fizike ndaj saj nga Namik Cukaj për një periudhë kohore prej 1 muaji.
I arrestuari i bënte presion dhe i çonte klientë në këmbim të marrëdhënieve seksuale kundrejt pagesës prej 3 mijë Lekë të reja.