Pas kryerjes së procedurave të mandatimit të 61 kryebashkiakëve të rinj, një sfidë që paraqitet për njësitë e reja vendore është konsolidimi fiskal dhe sigurimi i të ardhurave më të larta. Strategjia e re e decentralizimit, e miratuar edhe nga Këshilli i Ministrave, parashikon një serë masash me qëllim rritjen e burimeve financiare për njësitë e reja vendore.
Referuar strategjisë, janë të paktën 5 burime kryesore që gjenerojnë të ardhura për njësite vendore. Burimi i parë i të ardhurave për njësinë vendore janë të ardhurat nga burimet e veta. Përveç rishikimit dhe miratimit të legjislacionit, do të ndërmerren masa të rëndësishme për rritjen e kapaciteteve për mbledhjen e taksave të njësive të qeverisjes vendore, ashtu sikurse do t’i lihet më shumë liri veprime njësive që të përcaktojnë nivelin e taksave. Burim tjetër janë të ardhurat e përbashkëta dhe qeveria është angazhuar për hartimin e një ligji të ri integral për financimin e qeverisjes vendore dhe hartimin e një pakete të re fiskale të decentralizimit që do të aplikojë konceptin e ndarjes së taksave kombëtare.
Po ashtu, do të studiohen mundësitë e taksave të reja të përbashkëta në mënyrë që njësitë vendore të sigurojnë të ardhura nga ndarja e tatimit mbi të ardhurat personale dhe nga tatimi mbi fitimin. Një burim tjetër të ardhurash janë transfertat ndërqeveritare, ku rritja e territorit në administrim për njësitë vendore do të shoqërohet nga rritja e transfertave financiare nga qeveria qendrore. Grantet e pakushtëzuara do të ndahen sipas censusit të realizuar në vitin 2011.
Zbatimi i taksës së pasurisë parashikohet të jetë një burim i rëndësishëm të ardhurash për njësitë vendore.
Taksa e pasurisë do t’i nënshtrohet një reformimi rrënjësor duke ndryshuar parimin kryesor të kësaj takse nga një taksë mbi bazë sipërfaqen, në një taksë mbi bazë vlerën e pasurisë së paluajtshme.
Si rezultat i reformës në taksën e pasurisë parashikohet që në një periudhë afatmesme kjo taksë të jetë burimi kryesor i të ardhurave të qeverisjes vendore. Ndërsa burimi i pestë është huamarrja vendore. Kuadri ligjor i huamarrjes vendore do të rishikohet për të përmirësuar situatën në lidhje me kapacitetin e qeverive vendore për të marrë hua me qëllim financimin e projekteve të infrastrukturës.
Te ardhurat me te mira jan tani qe vijn refugjatet.Mund ti zhvatesh me njeqind menyra.
Megjithese zhvatja ka pasur pasoja,shumkush nuk vjen me ne Shqiperi.
Biznesi qe ben shteti me pashaportat e refugjateve.
Pashaporta nga 60 mije Leke eshte bere 75 mije Leke.Por koha per nje Pashaporte,si garanci eshte mbi nje muaj,kur shumica e refugjateve qendrojn me pak se nje muaj.Por atyre u duhet Pashaporta patjeter,ndryshe probleme pa fund dhe kosto nje dreq e gjysem.
Por Shteti te nxjerr faqe bardhe.Paguaj 180 mije Leke dhe e merr mbrenda tre diteve.
180 mije Leke,105 mije Leke me shume,105 mije Leke vjedhje,sepse puna eshte po e njejte.
Ne Gjermanine e varfer,nje Pashaporte kushton 50 Euro dhe koha e marrjes mbrenda 3 javeve,ndersa procesi eshte rutine perfekte,terheq bileten elektronike,kerkesen dhe fotot,dhe paguan.Perse nuk i dilet perpara kesaj situate ne kohen qe dynden refugjatet,
perse abuzohet ne kete menyre te turpshme?Do behet i pasur shteti shqiptare me dy tre milion Euro?Kurren e kurres,por me i varfer,sepse shume shqiptareve i ka ardhur ne maje te hundes me zyrtaret shqiptare,si jasht ne Ambasada ashtu edhe ne Shqiperi.