Përshëndetje DITA! Nuk e di se si më erdhi në mendje për të bërë një paralele historike. Ndoshta janë koiçidenca, por si ndodhi janë të vërteta. Duke dëgjuar e lexuar fakte në periudha të ndryshme, më është krijuar bindja se kush di shumë gjëra, në politikë, patjetër duhet të eleminohet nga bashkëpunëtorët e vet brenda llojit apo familjes politike, siç thonë sot.
Si shpjegohet, eleminimet e personaliteteve të periudhës komuniste, duke filluar nga Sejfulla Malishova, Nako Spiro, vazhdon me Todi Lubonjën e Fadil Paqramin, në vazhdim të Beqir Ballukut, Hito Çakos e Kadri Hazbiut, duke e mbyllur me ish-kryeministrin Mehmet Shehun?
Nuk e di se si më erdhi kur m’u kujtua i ndjeri heroi i demokracisë, kryetari i parë i PD-së në Shkodër, Arben Broci, më pas se ç’pati nën kryetari i PD-së dhe kryetari i grupit parlamentar të PD-së, Dr.Ali Spahija, nuk po vë në dyshim zotin Pjetër Arbnori pasi vuajtjet e tij nuk ka nënë që gjen fjalë për t’i qarë.
I ndjeri Safet Zhulali, pasi deklaroi se dosja e 1997-s është një dosje e zezë dhe nuk do të hapet kurrë, se sa e zezë dhe e thellë ishte, kush më mirë se Minstri i Mbrojtjes e dinte? Pas kthimit te ish-shefit të policisë sekrete të Shqipërisë, të ndjerit Bashkim Gazidede, dha një intervistë të gjatë tek Fevzia, por nuk tha gjë, pooor meqë la të kuptonte se dinte shumë më shumë, se ç’e gjeti, u sëmur dhe dritë i pastë shpirti, kryetari i parë i PD-së shqiptare, më vonë nën kryetar, kryetar i grupit parlamentar për rendin, mbrojtjen dhe SHIK-un, dhe ky pastë dritë dhe shpirti i pushoftë në parajsë!
Ja dhe një “aksident” me të ndjerin Gramoz Pashko, pushoftë në paqe! Ç’mund të kishte gjetur në dosjet e Ministrisë së Brendshme nga viti 1997 Ministri i Brendshëm, ish-deputet i PD-së dhe Ministër i AD?! Ç’të ketë ndodhur vallë?