Nuk keni lekë me vete dhe dëshironi që të hani në një restorant? Një i ri anglez gjeti një zgjidhje, por që nuk funksionoi për shumë kohë.
Christopher Baker vendosi të ulej i vetëm në një restorant në Sanderlend në Britaninë e Madhe në ditën e Shën Valentinit. Pasi porosit dhe shijon atë që kish porositur, 28-vjeçari nxjerr nga xhepi i xhaketës një mi dhe e lëshon në tokë.
Menjëherë ai dhe persona të tjerë që ndodheshin në restorant në atë moment ‘iu neverit’ ushqimi. Të vënë në siklet përballë klientëve, stafi dhe pronari i restorantit urdhëroi rikthimin e parave për të gjithë të pranishmit.
Gjithçka është zbuluar disa ditë më vonë kur pronari i lokalit vendos të rishikojë kamerat e sigurisë.
I vendosur përballë kësaj prove, Baker pranoi mashtrimin dhe u detyrua që të paguajë faturën plus 60 paund dhe dëmshpërblim për dëmin e shkaktuar.
https://youtu.be/C_tV8q1oY3g