Të shkosh në kinema për të parë një film, të dalësh për një shëtitje, të zgjohesh herët në mëngjes kur ka diell, të kalosh kohë me personat e dashur, të hash ushqime të shëndetshme dhe të kesh durim. Kjo është lista e gjërave që duhet të bëjnë ata që gjatë dimrit preken nga trishtimi dimëror. Lista e mësipërme është hartuar nga një grup studiuesish të Institutit Nacional të Shëndetit në SHBA. Ekspertët kanë studiuar për 30 vjet me radhë fenomenin “winter blues”, ndryshe gjendjet e trishtimit gjatë periudhës së dimrit. Sipas ekspertëve, kjo formë melankolie, e cila e ka origjinën te shkurtimi i ditës, mund largohet duke ndjekur hapat e mësipërm.