Siç thotë populli, heshtja është… AUDI

Ndodh shpesh që teksa kërkon të vësh vetullën, nxjerr sytë. Kjo i ka ndodhur edhe ministrit tonë të Brendshëm dy netë më parë në një emision live.

Ai doli te Fevziu, nëpërmjet një lidhjeje telefonike për të sqaruar historinë e makinës së tij që është e akuzuar si e përfshirë në trafik droge.

Mes të tjerave ai nuk e mohoi faktin që makina është e tij, por tha se e kishte shitur dhe shitjen e kishte mbajtur të fshehtë se lekët ia merrte përmbarimi.

Shumëkujt i është dukur i çuditshëm arsyetimi i ministrit, i cili duket se u ngatërrua me këmbët e veta. E paska shitur makinën, por s’ka as dokument dhe as kupon?

E ka shitur, por sërish e ka përdorur ai dhe familjarët, përveç kushërinjve?

E ka shitur, por s’donte të deklaronte shitjen se ja merrte paratë përmbarimi? Ja një ministër që do vërë rregull. E shkreta Audi AA003GB, që s’ka gojë të flasë…