Operatori i Shpërndarjes së Energjisë Elektrike (OSHEE) bashkë me njoftimin mbi punën e kryer për rikthimin e energjisë elektrike në disa zona, ka sjellë dhe hartën e zonave që kanë ende probleme me energjinë.
OSHEE ka bërë të ditur se, si pasojë e punës intensive të grupeve për eliminimin e defekteve të krijuara nga moti i keq në fundjavë, në orët e para të ditës së hënë (17 gusht), situata e furnizimit me energji elektrike në jug të vendit paraqitet si më poshtë:
-Në orën 00.38 u vendos në punë linja 30 kV Uji i Ftohtë-Radhimë, e për pasojë u rikthye energjia në Radhimë, Orikum, Tragjas dhe Dukat.
-Në orën 10.12 u vendos në punë linja Radhimë-Orikum. Vijon pa energji Zona e Pashalimanit.
-Vijon të jetë me difekt linja Gjirokastër-Grapsh. Zonat që kanë mbetur pa energji janë: Dropull i Poshtëm, Dropull i Sipërm, Zagoria, Pogoni, Qendra dhe Libohova.
Grupet e punës për eliminimin defekteve janë në terren dhe po punojnë për normalizimin e situatës.
OSHEE njofton gjithashtu se, që nga e diela pasdite dhe gjatë gjithë natës, duke u gdhirë e hëna, grupet e punës së avarive, të shpërndara në gjithë vendin, kanë punuar për riparimin e defekteve të krijuara si pasojë e motit të keq me stuhi shiu e shkarkime elektrike, që nxorën jashtë pune disa linja të tensionit të lartë e të mesëm.
Në disa zona energjia elektrike është rikthyer, por nga informacioni i përditësuar ende janë jashtë pune 76 fidra.
Zonat problematike sa i takon furnizimit me energji elektrike janë rajonet Shkodër-Lezhë, Fier-Vlorë, Durrës, Elbasan, Tiranë. “Vazhdon puna në terren për eliminimin e avarive”, shton OSHEE.
Titulli nuk ka anje lidhje me shkrimin. Por edhe sikur,cfare duhet te beje OSHEE-ja?
Ne vere eshte sezoni turistik dhe sduhet te punoje,ne dimer ben ftohte dhe prape sduhet te punoje. Ne pranvere dhe vjeshte,ka shira pa fund qe veshtiresojne ne maksimum punen per riparimet e difekteve.
Atehere, te rrine pa pune apo ti zgjidhi hap pas hapi?