Disa vatra mbeten ende problematike në territorin e vendit tonë në ditën e 14 të përhapjes së zjarreve.
Aktualisht është aktive vatra e zjarrit në Dukat të Ri. Pika kritike u izolua gjatë natës nga forcat operacionale, duke eliminuar rrezikun e kalimit të zjarrit në fshat, por përpjekjet për shuarjen e flakëve vazhdojnë nga toka dhe nga ajri.
Serioze është situata pranë Parkut Kombëtar të Llogarasë, ku janë përqendruar të gjitha forcat, për të bërë të mundur normalizimin dhe izolimin e flakëve. Strukturat janë në ndjekje të dinamikës, e cila ndryshon për shkak të kushteve atmosferike.
Një tjetër vatër serioze është ajo në fshatin Thirrë, në qarkun e Lezhës, ku puna vijon për vënien nën kontroll nga ana e FA, punonjësve të shërbimeve vendore, por edhe me ndërhyrje nga ajri. Vatra më e nxehtë është ajo në Majën e Rrunës, në Kukës pikërisht në pjesën sipër tunelit të Kalimashit.
Është vënë nën kontroll vatra në zonën e quajtur Laku i Thive. Puna vijon edhe në pjesën që ndodhet në fshatin Munellë-Domgjon, në Mirditë, ku ka situatë aktive.
Janë raportuar edhe disa vatra të reja, njëra në fshatin Patalej në Lezhë, një tjetër vatër në Gjallicë në Kukës me përmasa të vogla si dhe një vatër në fshatin Cakran të Fierit, e cila ishte shuar 10 ditë më parë nga FA dhe është riaktivizuar. Si pasojë e përkeqësimit të gjendjes dhe përmasave që po marrin flakët kanë shkuar në ndihmë edhe 40 efektivë të FA.
Një vatër e re është njoftuar në pyllin e fshatit Gjorgos në Fier, ku për shuarjen e zjarrit janë angazhuar forcat zjarrfikëse të Rroskovecit.
Nën monitorim janë zjarret e rëna në fshatin Vermosh në Malësi të Madhe dhe në pyllin Shetaj afër Kepit të Rodnonit në Durrës. Këto vatra nuk paraqesin rrezik për zonat e banuara.
E.R/DITA
Me nje shkrepse, djeg gjithe Shqiperine.
Tokat te papunuara, gje qe ndihmonte ne izolimin e zjarreve.
Nuk ka njerez ne fshat; vatrat e zjarrit shuheshin shpejt.
Nuk ka rruge ne fshat, mungojne rruget kryesore.
Duhet te projektohen dhe ndertohen rruge per te mbrojtur pyjet dhe kulloat, ku zjarrfikeset te futen pa veshtiresi.
Toka bujqsore ose are, eshte degjenruar;
Nje pjese eshte kthyer ne djerr.
Kur kalon nje ose me shume vite djerr, kthehet ne kullote.
Kur kalon disa vite djerr, kthehet ne shkurre.
Kur kalon ca vite shkurre, kthehet ne pyll.
Kur kalon ca vite pyll, kthehet ne xhungel.
Sa Ha jane toke are qe shfrytezohet, sa jane djerr, sa kullote, sa shkurre, sa pyll dhe sa xhungel e dine specialistet e bujqesise dhe keshilltaret prane kryeministrit.
Vetem toka djerr, eshte e gatshme per tu punuar.
Mire apo keq, Enver Hoxha, ka patur te drejte ne shpyllzimin e pyjeve, sepse Shqiperia nuk kishte toke are te mjaftueshme.
Jane harxhuar miliarda per te hapur pyjet, tani na duhet te shpenzojme perseri per ti kthyer ne toka bujqesore.