Ua ka zënë rrugën me kohë qeni plak

Kur Rama i nisi,
Lulashit një letër,
seriozisht s’e mori,
qeveri e vjetër.

Luli fare letrën,
nuk e shkoi në zigj,
po me lodra fjalësh,
Ramës ju përgjigj.

Në letër nuk kishte,
ndonjë marifet,
Rama i kërkonte,
t’i bëjmë punët vetë.

Pa ndërkombëtarët,
të vendosim ne:
“Neve jemi gati,
po ti-Lul-a je?!”

Për t’ia bërë Lulashit,
punën më të lehtë,
çoi në Kushtetuese,
plot tri deputetë!

I është bërë çdo gjë,
këtij malukati,
po për ironi,
akoma s’është gati!

Ja dhe diplomatëve,
krejt ju sos durim,
urdhëruan prerë:
“Të bëhet votimi!”

Më s’ju pyet kush,
doni-apo s’doni,
kini për detyrë,
vetëm të votoni!

Kjo në Shqipëri,
kurrë nuk ka ngjarë,
duket-s’bëhet ndryshe,
me këta zuzarë!

Tani që procesi,
po bëhet kaq hapur,
do të dali qartë,
se kush është i kapur!

Ne i njohim mostrat,
tek shtëpia blu,
Mbase tani bindet,
edhe zoti Lu!

Nuk besoj një vendi
diku t’i ketë ndodhur,
që dy palo burra,
kaq shumë ta kenë lodhur!

Që dy palo burra,
t’ia sosin durimin,
ndaj s’kërkon gjë tjetër,
por vetëm votimin!

Se koha e fjalëve,
duket ka mbaruar,
dhe s’ka mbetur gjë,
për t’u diskutuar!

Lulash mulahimi,
mes fjalëve po vidhet,
dhe vazhdon avazin,
përmbi tel të dridhet!

Gjithë e majta gati,
është për të votuar,
dhe top i reformës,
prapë në SHQUP ka shkuar!

Dua!-do t’i thotë,
Lu-së-Luli ziu,
po fjalën e fundit,
e ka babë Saliu!

Po e theve Salën,
gjë që s’më besohet,
nga të gjithë kulishët,
Reforma votohet!

Kulishët e dinë,
sa sa kanë cak,
po ua ka zënë rrugën,
me kohë qeni plak!

Nëse nga ky laro,
rruga nuk pastrohet,
edhe këtë herë,
Reforma s’votohet!