Ish-Presidenti i SHBA-ve, Geroge W. Bush është akuzuar të enjten se ka pranuar 100 mijë dollarë për të folur në një mbrëmje bamirësie për veteranët e luftës së Afganistanit dhe Irakut, në Houston, në vitin 2012.
Ngjarja që ka ndodhur kur Bush ishte ende në detyrë, bëhet edhe më e rëndë, pasi dyshohet se ish-Presidenti ka marrë në përdorim edhe një avion privat në vlerë prej 20 mijë dollarë.
Ndërkohë, edhe bashkëshortja e tij, ish-Zonja e Parë, Laura Bush është paguar 50 mijë dollarë për të folur në një mbrëmje të tillë, të organizuar po nga organizata “Helping a Hero”, një vit më parë.
“Të paguhesh për të grumbulluar para për njerëzit që kanë humbur pjesët e trupit në luftën që e nisi vetë ai…kjo nuk është aspak e drejtë”, ka deklaruar Eddie Wright, njëri nga veteranët dhe anëtarët e kësaj organizate.
Megjithatë, Robert Clark, njëri prej drejtuesve të organizatës “Helping a Hero”, ka thënë se prania e Bush kishte ndikuar që organizata të grumbullonte më shumë para atë vit.
“Atë natë ne kemi grumbulluar 2.5 milionë dollarë, ndërsa vitin pasardhës as 50% të kësaj shume. Prania e tij në atë mbrëmje u vlerësua nga të gjithë veteranët dhe mbështetesit e organizatës”, është shprehur Clark.
Duke cituar burimet e tyre, mediat amerikane kanë thënë se Bush fillimisht kishte kërkuar 250 mijë dollarë, por më pas kishte vendosur për 100 mijë.
Ndërkohë, zyrat e ish-Presidentëve Bill Clinton dhe Jimmy Carter kanë mohuar që këta të fundit jenë paguar ndonjëherë për të mbajtur fjalime në mbrëmje bamirësie për veteranët.
Prandaj eshte bere bota sot keshtu e korruptuar se ka patur te tille drejtues. Turp.
Vendi I lirive dhe demokracive te medha….. Kam thene askush ne bote nuk ka LIRI. Asnje shkencetare nuk mund ta zbertheje abstraksionin DEMOKRACI
Po deeht ajo pune. Ketij si ka prere barku ndonjehere per ata qe u vrane ne Iraq, apo per ata qe erdhen gjysmake. ai i coi si mish per top njerezit atje qe miqte e tij si Dick Cheney me kompani te benin par. Pse do fliste falas ky per ata qe i coi vete ne thertore.