Pas publikimit të pamjeve nga emisioni investigativ “Stop”, ku personat në Qendrën Rezidenciale të zhvillimit në Shkodër, mbahet të lidhur me zhinzhirë, ka reagur edhe drejtoresha e kësaj qendre Juliana Cepi.
Ajo i ka quajtur pamjet të manipuluara dhe tha se situata është ndryshe në këtë qendër nga ajo çfarë është transmetuar në ekran.
Nga raportimet, mësohet se deklarata e saj, u bë 2 orë para arrestimit të sotëm.
Prokuroria e Shkodrës ka kryer hetimet, në bazë të të cilave ka rezultuar se ndaj pacientëve me sëmundje të shëndetit mendor në këtë qendër është ushtruar dhunë sistematike.
Gjithashtu, nga hetimi ka rezultuar se tre femra në moshë madhore, paciente në këtë Qendër, kanë qenë shtatëzanë dhe kanë abortuar në mënyrë të paligjshme. Ky rezultat ka dalë në bazë të akteve të ekspertimit mjeko-ligjor, të kërkuara nga ana e Prokurorisë së Shkodrës.