Skandali, Shqipëria ndryshon këngën e Elhaidës për në Eurovizion

Këngëtarja shkodrane Elhaida Dani do të përfaqësoj vendin tonë në Eurovizion me një këngë tjetër dhe jo me këngën “Diell” me të cilën u shpall dhe fituese.

Këtë lajm e ka konfirmuar vetë Dani nëpërmjet një statusi në profilin e saj në Facebook, duke shpjeguar se autori i këngës Aldo Shllaku ka tërhequr këngën për arsye personale.

“Mendoj se është e drejtë t’ju komunikoj personalisht vendimin e marrë dhe më është komunikuar së fundmi.  Këtë vit do të përfaqësoj Shqipërinë në Eurovision me një këngë tjetër nga ajo me të cilën u shpalla fituese e FiK,,, në dhjetor të vitit të kaluar.  Ky lajm do bëhet publik dhe zyrtar së shpejti, por dëshiroja që të isha unë ajo që jua komunikoj për herë të parë.  Autori i këngës “Diell”, për arsye personale dhe të pandryshueshme, ka vendosur të tërheqë këngën nga ai e kompozuar dhe do jetë për fat të keq e pamundur të këndohet nga unë në “Eurovision Song Contest 2015”. Duke respektuar këtë zgjedhje të tijën personale, dhe në dakordësi me RTSH, e mbi të gjitha duke respektuar rregullat e vendosura nga ESC , me është komunikuar që si fituese e FiK, unë duhet të përfaqësoj vendin tim në Vienë me një këngë të re.  Urimi dhe dëshira ime është që ky vendim i papritur që më është bërë i ditur të mos sjelli pakënaqësi dhe polemika.”- ka shkruar Dani në Facebook.

https://www.youtube.com/watch?v=ksuh4aGu8Vk

Ende nuk dihet se cila do të jetë kënga me të cilën Elhaida do të përfaqësoj vendin tonë në kompeticionin muzikor.

Duhet theksuar që ky është një skandal që ndodh në Shqipëri vetëm pak javë para nisjes së Eurosong.

Pavarësisht se Dani e ka dhënë me tone të zbutura lajmin, ky fakt e nxjerr Shqipërinë si një vend qesharak në kompeticione ndërkombëtare.

Sipas burimeve të gazetës bëhet me dije se kjo situatë është krijuar nga një mosmarrëveshje mes RTSH-së dhe autorit Shllaku.