Policia e Korçës ka publikuar pasditen e së premtes masat që do të zbatohen për ndeshjen e futbollit Skëndërbeu-Partizani.
Sipas një njoftimi për shtyp, për ruajtjen e sigurisë do të angazhohen rreth 440 policë, shumica nga policia e rendit dhe pjesa tjetër nga radhët e FNSH-së.
Gjithashtu, në kuadër të masave lokalet rreth stadiumit do të jenë të mbyllura deri në përfundimin e ndeshjes.
Në përfundim të njoftimit, policia u bën thirrje dy tifozerive që të tregojnë qytetari në mbarëvajtjen e këtij aktiviteti sportiv.