Ski me bikini në Soçi të Rusisë

Një garë skish me kostume banje u zhvillua në Soçi të Rusisë, ku 1800 skiatorë garuan në mes të borës.

Këta rusë të apasionuar pas skive marrin pjesë në këtë garë për të thyer rekordin gines.

Garimi u zhvillua në temperatura që arritën deri në 12 gradë celcius, duke theksuar se klima ishte më e ngrohtë se zakonisht.

Rekordi gines aktual për të njëjtën garë është vendosur në vitin 2016. Në atë kohë u numëruan 1008 pjesëmarrës.

Ai rekord do të vijojë të qëndrojë në fuqi, pasi për aktivitetin e këtij viti zyrtarët e Ginesit thanë se pamjet filmike të paraqitura nga organizatorët rusë nuk jepnin mjaftueshëm fakte për shifrën e pretenduar prej 1800 pjesëmarrësish.

I njëjti problem si vitin e kaluar, kur rusët pretenduan pjesëmarrjen e 1200 personave.

s.a/dita