Amerikani Sage Kotsenburg është fituesi i medaljes së parë të artë në Lojërat Olimpike Dimërore Soçi 2014. Kotsenburg doli i pari në garën koreografike me snowboard, duke marrë 93.50 pikë për një paraqitje të jashtëzakonshme. Në vendin e dytë në këtë disiplinë u rendit norvegjezi Staale Sandebech, me rezultatin 91.75 pikë, ndërkohë që medaljen e bronztë e fitoi kanadezi, Mark Mcmorris. Gjithashtu në ditën e parë ishin në program dhe ndeshjet e hokejit në akull për femra. Skuadra amerikane e nisi me fitore Grupin A, pasi mundi 3-1 Finlandën. Hilary Knight shënoi pas vetëm 53 sekondash, ndërkohë që në periodën e dytë Kelli Stack dhe Alex Carpenter vulosën fitoren për amerikanet, përpara se finlandezet të shkurtonin diferencën me Sussana Tapani. Në ditën e parë u zhvilluan gjithashtu dhe gjysmëfinalet e garës së skive në disiplinën downhill, ku amerikani Bode Miller, në kërkim të medaljes së tij të gjashtë të artë, kaloi pa probleme në finalen që do të zhvillohet sot.