Udhëtimi i parë rreth botës me avion, i cili përdor si lëndë djegëse energjinë diellore, ka përfunduar, pasi Solar Impulse është ulur në Abu Dhabi.
Avionin e drejtoi zvicerani Bertrand Piccard, krijues dhe president i projektit ”Solar Impulse”, i cili ka për qëllim të promovojë energjinë e ripërtëritshme.
Udhëtimit të tij, i cili filloi në Abu Dhabi më 9 mars të vitit të kaluar, i erdhi fundi.
“E ardhmja është e pastër. E ardhmja je ti. E ardhmja është tani. Le ta cojmë më tej,” u shpreh zoti Piccard, pasi mbërriti me duartrokitje dhe brohoritje në Abu Dhabi.
Udhëtimi me 17 faza mbuloi distancën 42 mijë kilometra, duke kaluar katër kontinente, tre dete dhe dy oqeane.