Kopshti i ri Zoologjik do të hapë sot dyert për të gjithë vizitorët. Kryeministri Edi Rama ka publikuar këtë mëngjes disa foto të tij dhe thotë se fëmijët do të kenë mundësi të njohin nga afër botën e kafshëve “në një nga hapësirat më moderne në rajon”.
“Me dhuratën e shumëpritur për të gjithë fëmijët, Tirana Zoo Park, që hap dyert sot, i rilindur si një nga hapësirat më moderne në rajon, për të njohur nga afër botën e kafshëve, por edhe plot ambiente çlodhëse për të vegjël e të rritur, ju uroj një fundjavë të bukur”, shkruan kreu i qeverisë.
Ndërkohë, këtë të shtunë, qarkullimi në segmentin e rrugës “Liqeni i thatë” do të kthehet me një drejtim lëvizjeje, sipas sensit nga rruga “Hamdi Sina” në drejtim të “Kopshtit Zoologjik”.
Përjashtim bëjnë veç mjetet e Transportit Urban, i cili do vazhdojë lëvizjen sipas itinerarit që ka realizuar deri më tani, dhe rezervojnë të drejtën për kalimin në dy senset e aksit rrugor.
Ndërsa, aksesi hyrës i kalimit të automjeteve për qytetarët, për pjesën e rrugës që kthehet me një drejtim lëvizje, do të bëhet nëpërmjet kalimit në Unazën e Madhe të Qytetit, si dhe duke e aksesuar zonën tek nyja e re, pranë Liqenit të Thatë.
Gjynah kafshet e shkreta.Ne fakt jeni ju per tu mbyllur aty o plehrat e shqiperise!
Moderne mbase…Por super I vogel e thuajse pa kafshe ….beton shume….
Une di qe ka pas Tirona nji kopsh zeologjik,eshte aty ku i thone parlament,ky duhet te jete i dyti,ne vend te bejne ndonje spital bejne dy kopshe ne nje qytet.
Edhe Rama,edhe Velija gjeten rastin te dalin edhe sot ne media.Po bareshat a i kishin nga pas?
Mbani tre kafaze bosh per Liken, Saliun dhe Fate Mehdiun