Futbolli italian do të vendosë sot fatin e sezonit. Nëpërmjet një video-konference në orën 18:30, qeveria italiane dhe krerët e ligave të futbollit në Itali do të diskutojnë për datën e rikthimit.
Serie A kërkon 13 qershorin për rinisjen e kampionatit, por duke qenë që eventet sportive janë bllokuar deri më 15 qershor në Itali, data e pritshme pritet të jetë ajo e 20 qershorit.
Skuadrat do të kenë në këtë mënyrë 4 javë të tjera kohë për t’u përgatitur siç duhet. 17 qershori mund mund të shfrytëzohet për Kupën e Italisë ose rekuperimin e javës së 25, në të cilën kanë mbetur 4 takime pa u zhvilluar.
Orët e fundit në futbollin italian është verifikuar vetëm një rast pozitiv dhe ai ka bëjë me një pjesëtar të stafit të Bolonjës.
l.h/ dita