Kreshnik Spahiu ka mbajtur ditën e premte një konferencë për shtyp ku ka bërë publik qëndrimin e AK për çështjen e shkarkimit të Prokurorit të Përgjithshëm dhe emërimin e pasardhësit të tij. Kreu i Aleancës Kuq e Zi i bëri apel Presidentit Nishani dhe deputetëve të Kuvendit të Shqipërisë të mos ndërmarrin vendimin antikushtetues për shkarkimin e Prokurores së Përgjithshme Ina Rama.
“Aleanca Kuq e Zi i bën apel deputetëve të Kuvendit të Shqipërisë dhe Presidentit të Republikës, Bujar Nishani, që të heqin dorë nga procesi antikushtetues i emërimit të një prokurori të ri, kur ende nuk ka përfunduar mandati i prokurorit aktual, i cili përfundon pas 6 muajsh”.
“Aleanca Kuq e Zi i bën thirrje edhe kandidaturave për Prokuror të ri të Përgjithshëm që të mos përfshihen në këtë proces antikushtetueses sepse do t’i duhet ta ndërpresë detyrën e tyre më 1 korrik 2013 kur Kuvendi i ri që do të dalë nga zgjedhjet e ardhshme do të vendosë rendin kushtetues dhe do të mbrojë parimet dhe standardet e demokracisë parlamentare. Presidenti Bujar Nishani vazhdon të bëjë ‘kallashnikovin’ e Sali Berishës duke ekzekutuar dhe asgjësuar nga pavarësia çdo institucion të pavarur në Shqipëri,” tha Spahiu.
Ai theksoi sërish se çdo prokuror i ri që do emërohet në mbivendosje mandati do konsiderohet jolegjitim dhe do shkarkohet në korrik të vitit tjetër.
“Ky qëndrim i Aleancës Kuq e Zi nuk lidhet aspak me analizën e punës së Prokurores së Përgjithshme, Ina Rama, që sipas Aleancës Kuq e Zi ka dështuar pasi ka toleruar mos funksionimin e detyrës për të arrestuar shtetasin Sali Berisha për veprën penale të dorëzimit të pjesshëm të territorit të Republikës së Shqipërisë në favor të qeverisë greke si dhe një seri veprash të rënda penale që lidhen me vrasjet, kontrabandën, korrupsionin dhe trafikimin e armëve”.
ore vetem mo na i dridh kur te vesh ne fuqi..