Patrick Gonfalone është trajneri i kombëtares U-19 të Francës dhe që prej muajit Mars ai ndjek të gjitha stërvitjet dhe ndeshjet e Kombëtares Shqiptare.
Gonfalone ka ndjekur nga afër përballjet e Shqipërisë me skuadrat e tjera, duke vëzhguar mënyrën e lojës dhe skemat e përdorura nga tekniku italian De Biasi. Edhe të shtunën, në ndeshjen kundër Zvicrës, ai ishte i pranishëm në stadium.
Sot, ai do të bëjë raportimin tek trajneri i Francës Didier Deshamp, për t’i treguar mënyrën se si luan Kombëtarja jonë, “hiletë e sekretet” e kuqezinjve. Raporti i këtij “spiuni” do të përdoret nga Deshamp në ndeshjen Francë-Shqipëri më 15 qershor.