Për stadiumin e ri

Tani Edi Ramës,

të gjithë i janë turrur,

po Stadiumi është,

vepër për t’u mburrur!

 

PPP e vetme,

që ka interes,

se shteti s’e futi,

dorën hiç në thes!

 

Veç heqjes së emrit,

çdo gjë është në rregull,

vepër madhështore,

pa tym e pa mjegull!

 

Një stadium modern,

Rama na dhuroi,

dhe të gjithë ndërtuesve,

“ajër” u dhuroi!

 

Se kulla gjigante,

pak tokë ka gëlltitur,

gjithë katet mbi të,

ajër kanë “grabitur”!

 

Për stadiumin-Rama,

nguli këmbë si mushka,

stadiumi mbaroi,

dhe nuk krisi pushka!

 

Kur shteti ka tokën,

mund të ligjërojë,

dhe privatit kushtet,

mundet t’ja diktojë!

 

Po kur s’ka asgjë,

veç firmën dhe vulën,

PPP-në paguan,

sa francezi pulën!

 

Kush ka sy në ballë,

mundet të shikojë,

kjo skemë-me teatrin,

pse mos funksionojë?!

 

Një teatër klasi,

ne na duhet sot,

dhe më tutje kulla,

le të ngrihen plot!

 

Mendoni se Rama,

është trëmbur nga sherret?!

Thjeshtë s’ka ardhur koha,

që me të të merret!

 

Këtu do të jemi,

kur në kohë të gjëndet,

për një gjysëm ore,

teatri do shëmbet!

 

Do bien si gjethe,

të gjitha betimet,

dhe krejt normalisht,

do nisin ndërtimet!

 

Njëlloj si Stadiumi,

teatri do mbarojë,

dhe askush me gjak,

të vjetrin s’do ta mbrojë!

 

Është e sigurtë,

shumica tek ne,

kërkon një teatër,

s’kërkon një muze!

 

Se do jepnin jetën,

shumë e shumë thanë,

a s’u shembën qindra,

në Vlorë e Tiranë!

 

Vetëm një i lig,

për shembjet gëzon,

por unë them se shtetin,

askush s’e pengon!

 

Aq më shumë kur ka,

projekte zhvillimi,

duket qesharake,

çdo formë betimi!

 

S’mund të jem me shtetin,

kur është arrogant,

dhe për qytetarin,

nuk bëhet garant!

 

Dhe një opozitë,

bëhet karnavale,

kur do dhe kur nxit,

konflikte sociale!

 

Te unazë e madhe,

shteti të mendonte,

gjithë atë përplasje,

mund ta evitonte!

 

Kur mijëra legalizime,

ka në Shqipëri,

ç’peshë mund të kishin,

dhe njëqind shtëpi?!

 

A.DUKA