Stilistja britanike Stella McCartney u nderua nga mbretëresha e Anglisë për kontributin e saj në fushën e modës. Ceremonia u zhvillua në Buckingham Palace, ku stilistja e veshur me krijimin e saj, këtë herë një kostum blu, pranoi urdhrin e mbretërisë.
Viti që kaloi ishte tepër i ngarkuar për stilisten e njohur, e cila veç të tjerash, ishte krijuesja e uniformës së ekipit britanik të Lojërave Olimpike, gjë që ajo e përshkoi si një “moment krenarie” për të.
Stella McCartney ka ndjekur gjurmët e të atit, Sir Paul McCartney, i cili gjithashtu ka marrë Urdhrin e Mbretërisë si muzikant i shquar. Stella McCartney ka marrë edhe titullin “Stilistja e Vitit” në ceremoninë e çmimeve për modën në Britani.