Kryesocialisti Rama ka reaguar përmes Tuiterit në lidhje me deklaratën e kryeministrit Berisha, i cili u shpreh paradite se qeveria do të bëjë gjithçka për të gjallëruar kultivimin dhe përpunimin e bimëve mjekësore aromatike në vend, si një mundësi për të luftuar varfërinë në zonat ku rriten këto bimë.
Në postimin e tij, Rama thotë se Berisha e ka marrë idenë nga programi i PS-së për stimulimin e prodhimit të këtyre bimëve. Sipas Ramës, për vënien në jetë të këtij programi duhet rilindje, pasi kopja nuk mjafton.
“Përgëzime KM! E ke lexuar mirë programin tonë për stimulimin e prodhimit të bimëve aromatike:-)Po s’bëhet me kopje kjo punë! Duhet RILINDJE”, thotë Rama.