Thomas Strakosha fitoi duelin me Berishën sot, teksa luajti titullar ndaj nordikëve, por kuqezinjtë nuk ia dolën të marrin rezultat pozitiv, edhe pse portieri i Lazios ishte më i miri në fushë.
Norvegjia nuk është se ka shumë diferencë me ne në renditje, por sot na dominoi…
Strakosha: Diferencat nuk ishin shumë të mëdha, por ata ishin më të organizuar taktikisht, por edhe fizikisht. Ne luajtëm disi me frikë, por ishte edhe një lloj eksperimenti, pasi kishim shumë lojtarë të rinj në fushë. Normalisht që lojtarët e rinj është e vështirë të japin maksimumin që në takimin e parë.
Si mund të evitohej ky gol?
Strakosha: Vetëm me përqendrim, pasi ne në ato momente e kishim ulur ritmin dhe humbëm edhe vëmendjen. Jo vetëm ky gol, por çdo rast evidentohet me përqendrim.
A patët problem me gjurin, pasi u duk sikur u dëmtuat?
Strakosha: Jo, nuk ka asnjë problem me rëndësi.
Jeni nga portierët që luani më mirë me këmbë, por sot vuajtët në qarkullimin e topit…
Strakosha: Gabova edhe unë shumë topa sot, por prandaj janë edhe miqësoret, për të mësuar më mirë lëvizjet dhe pozicionet e njëri-tjetrit.
a.s/dita