Në Shqipëri, 53% e grave dhunohen në familje. Shifra është bërë publike dje pas një studimi të programit të Kombeve të Bashkuara për Zhvillim dhe qeverisë shqiptare.
Sipas studimit, 53 për qind e grave shqiptare jetojnë nën një abuzim të vazhdueshëm, ndërsa dhuna ndaj tyre në familje është rritur nga 56 për qind pesë vjet më parë në rreth 60 për qind këtë vit.
Nga analiza e të dhënave doli se mbi 80 për qind e dhunës ndaj grave fillon qysh në 3 vitet e para të martesës, dhe pjesa dërrmuese tregojnë për dhunë shumëvjeçare ndaj tyre, të cilën e fshehin po vetë nga frika dhe shpresa se gjendja mund të përmirësohet.
Sipas studimit, vetëm një pjesë e vogël e grave të dhunuara e denoncojnë këtë fakt në polici apo gjykata, ndërsa pjesa tjetër heshtin apo kërkojnë ndihmë nga të afërmit.
Më të kërcënuarat janë gratë që jetojnë në zonat rurale dhe ato me arsim fillor. Studimi zbuloi se 3 nga 4 gra me leje lindje ndjehen të kërcënuara nga dhuna në familje.