Antitrupat e zhvilluar nga infektimi me COVID-19 zgjasin rreth 2 muaj për personat që kalojnë një infeksion të moderuar dhe jo në faza të rënda.
Në këtë përfundim arrin një studim i publikuar në revistën shkencore Nature nga një grup shkencëtarësh francezë në fushën e mjekësisë në bashkëpunim me Universitetit të Sorbonës në Paris.
Ata arritën në këtë përfundim pasi mbajtën nën mbikqyrje mjekët dhe infermierët e spitaleve, që kurojnë pacientë me koronavirus. Studimi konstaton se anti-trupat IgA, përgjegjëse për krijimin e mbrojtjes së hershme nga infeksioni, nisin të krijohen nga 2 deri në 4 javë pas shenjave të para.
Këto antitrupa nisin të zhduken më shpejt se kategoritë e tjera dhe zgjasin jo më shumë se 2 muaj. Ndërsa anti-trupat IgG që konsiderohen edhe si mbrojtësit më afatgjatë, nisin të zhduken pas 2 deri në 3 muajsh nga shfaqja e simptomave të para të infeksionit me koronavirus.
Për kohëzgjatjen e anti-trupave janë kryer disa studime në vende të ndryshme të botës. Në disa studime në Britaninë e Madhe dhe Australi janë konstatuar edhe antitrupa që zgjasin deri në 6 muaj, por ato krijohen kryesisht tek pacientët që kalojnë infeksione të rënda.
o.j/dita
nuk e di sa e saktë është kjo,por për përvojë personale,antitrupat në gjakun tim ishin në masë të madhe gjashtë muaj pasi e kisha kaluar kovidin!!
kjo pas analizës dhe bisedës me mjekun!!
Edhe disa te gjere pas 12 muaj kane halla antitrupa!
Halla nuk dihet pse disa bejne forma te lehta edisa forma te renda, as pse disa me pak antitrupa e fisa shume antitrupa!