Presidenti francez Emmanuel Macron ka komentuar mbi mundësinë e një përgjigje ushtarake ndaj sulmit të dyshuar kimik në Siri, dhe ka thënë se vendimi do të merret pas konsultimeve me SHBA-në dhe Britaninë e Madhe.
Sipas presidentit të Francës, çdo sulm francez do të synonte objektet e dyshuara kimike, dhe jo civilët në rajonin sirian.
“Franca nuk dëshiron ndonjë përshkallëzim ushtarak në Siri dhe në rajonin e Lindjes së Mesme”, është shprehur Macron.
Nga ana tjetër, ministri i Jashtëm gjerman, Heiko Maas, ka kritikuar Moskën mbi sjelljen e saj jo konstruktive në lidhje me sulmin e pretenduar kimik në qytetin sirian të Doumas, dhe i bëri thirrje komunitetit ndërkombëtar të ndërmarrë veprime, si një lloj përgjigje ndaj përdorimit të lëndëve kimike në qytet.
Shtetet e Bashkuara dhe Bashkimi Evropian e kanë akuzuar presidentin sirian Bashar Assad si organizator të sulmit, megjithatë, akuzat janë mohuar nga autoritetet siriane.
s.a/dita
Aty krruaje, do ta shikosh sa te vlen lekura