Dy persona, njëra nxënëse, janë vrarë në një sulm me thikë në Kawasaki, në jug të Tokios. 17 të tjerë u plagosën në ngjarjen e rrallë dhe të dhunshëm, ndërsa sulmuesi në fund vrau veten.
Një njeri i armatosur me thika në duar sulmoi nxënëset në një stacion autobusi në Kawasaki të martën para se të merrte jetën e tij, në një ngjarje të rrallë dhe të dhunshme në Japoni.
Të paktën 17 persona, kryesisht nxënës të shkollave katolike, u plagosën dhe dy mbetën të vrarë.
Autoritet thanë se sulmuesi u vetëvra pasi u arrestua nga policia.
Motivet e ngjarjes nuk janë bërë akoma të qarta, ndërsa dëshmitarët okularë thanë se burri rreth të pesëdhjetave iu afrua nxënësve dhe iu bërtiti: “Do ju vras”.
Ndërsa kryeministri japonez Shinzo Abe tha se ai ishte shqetësuar pamasë nga sulmi, presidenti amerikan, Donald Trump, i ndodhur në Japoni për një vizitë katër-ditore, tha se ai dhe populli amerikan ndanin dhimbjen e familjeve të viktimave.
Japonia ka një raport të ulët krimi dhe akoma më të ulët të krimit të dhunshëm me armë të ftohta, raporton Dıta duke cituar mediat e huaja.
e.ll./dita