Një ilaç i ri që shkrin yndyrën brenda arterieve, është konsideruar si një nga zbulimet më të mëdha në luftën kundër sëmundjeve të zemrës.
Mjekimi ka qenë i suksesshëm në provat e bëra për trajtimin e kancerit të gjirit dhe diabetit, ndërsa tani shkencëtarët në Univeristetin Aberdeen kanë zbuluar se ilaçi i ri mund të përmirësojë shëndetin kardiovaskular.
Vetëm një dozë e vetme e Trodusquemine e testuar tek minjtë arriti që të zhdukë pothuajse tërësisht arteriosklerozen, një sëmundje që shkakton infarkt dhe sulmin në zemër.
Sëmundja bllokon arteriet me substanca yndyrore të quajtura pllakëza, të cilat me kalimin e kohës, ngushtojnë arteriet.
Studiuesit besojnë se medikamenti ‘imiton’ efektet e ushtrimeve fizike dhe aktivizon një enzimë mbrojtëse, si edhe pengon një enzimë tjetër që shkakton inflamacion të zgjatur dhe vështirëson arteriet.
Ata u shprehën se Trodusquemine punon duke ndaluar një enzimë të quajtur PTP1B, e cila normalisht rritet tek njerëzit me obezitet ose diabet.
Ekspertët thanë se gjetjet e tyre kanë potencial për të ‘reduktuar ndjeshëm vdekjet’, duke qenë se sëmundja e zemrës është shkaku numër 1 i vdekjeve në nivel global duke vrarë 17.7 milionë njerëz në vit.