Një ditë më parë, vendi ynë mori statusin e vendit kandidat për në BE. Një stimul i madh dhe i merituar për qeverinë shqiptare, e cila e ka nisur mbarë dhe kjo është vënë re sigurisht edhe nga Brukseli, që pasoi dhënien e statusit dhe që për hir të së vërtetës kaloi si pa u ndjerë nga shumica e opinionit, sepse nuk pati fishekzjarre, tubime të administratës, flamuj, benderola dhe muzikë shpërthyese “Hevy Metal”.
Impenjim maksimal dhe punë voluminoze, kjo duhet tani, dhe që të niset mirë duhen njerëz të aftë në krye të punëve dhe kjo nënkupton drejtues dhe administratë rentabël dhe me efektivitet. Larg nepotizmit dhe klientelizmit. Larg hajdutërisë së pështirë që ka shkatëruar moralin e një shoqërie të tërë.
Me sa duket, bojkoti që po bën opozita është jo efikas sepse dhe shumica e saj është koshiente se pa e reformuar administratën s’mund të krijosh imazhin e munguar deri tani të një vendi europian.
Letër e nënshkruar
Adrian Milo, Korçë