Taborr me deputetë dhe ministra!

Nga AGIM JAZAJ

 

1 Ministri për 200000 banorë

1 Deputet për 20 mijë banorë

Komisionet politike- mikse; të pozitës, opozitës reale dhe asaj informale, po diskutojnë gjerë e gjatë për reformimin e Kodit Zgjedhor: Me lista të hapura dhe të mbyllura, nga mendje mbyllurit për mendje hapurit!

Edhe dje, dy muhabetçinj, teksa kthenin nga një gotë te kafe Edit, në Vlorë e leksën dhe e pleksën…

Njeri bënte opozitën dhe tjetri pozitën.

“Me gjej modelin- i thosh pozitari, i hakërryer: Me lista të hapura dhe koalicone parazgjedhore. Ku ështe modeli? Më gjej monstrën?

Kemi marrë modelin e Hollandës”- arsyetonte pozitari.

-“Po i thosh opozitari. Po mund t’më gjesh ti monstrën, si ky Parlamenti ynë, me deputetë të zgjedhur, me lista të mbyllura dhe tunden, sikur janë zgjedhur me lista të hapura? Me gjej një parlament të braktisur nga lojtarët e skuadrës, madje nga 3 skuadra (PD, LSI, PDIU) të zgjedhur dhe të përfaqësuara dhe të vazhdojnë lojën, lojtarët e stolit? Ku ka monstër të tillë? Parlament me 120 deputet, nga 140?!

Më thuaj ku ka një vend pa gjykatë Kushtetuese, etj”?

Ne marrim për model: T’i presim poturet sipas hollandezëve, mbathjet sipas irlandezëve, opingat sipas norvegjezëve, këmishën sipas kanadezëve!… 7 male kaptuar!

Por, nuk marrin për model kostumin e Italisë, apo Greqisë që kemi te turinjtë, as Kosovën e një rrace, as të Kroacisë model, as të Mali i Zi, Maqedonisë, me bashkësi komunitetesh, bën marrëveshje dhe zgjedhje të parakohshme, me qeveri kujdestare? Më gjej një vend me këtë popullsi dhe me këtë numër deputetësh? Me numër rekord ministrish, ministra e ministresha e le më zv/ministresha?

Këto komisione përse nuk diskutojnë dhe nuk marrin për referim dhe krahasim edhe numrin e popullsisë të këtyre vendeve, si dhe numrin e deputetëve, dhe numrin e ministrive?

Për gati 30 vjet  shoqëria shqiptare e kriminalizuar, e kanabizuar, e dhunuar dhe e torturuara nga njerëzit e një rrace, pa rracë, po ecën kuturu, pa busull, në udhët e humbura nga të paudhët…

Ka kaluar kohë, dhe po e kërkojnë, ndoshta elita e shoqërisë të mos ndryshojnë si deri më tani, qeveritë me rrotacione 8 vjeçare, por të ndryshojnë qeverisjen, me votë dhe revolucion, edhe 8 mujore, siç bëjnë italianët tek pragu i derës, të demokratizojnë dhe të emancipojnë qeverisjen, shoqërinë, etj!…

Të ndëshkohen shkaktarët, fajtorët, peshqit e mëdhenj e jo cironkat…

Vite më parë kemi publikuar në shtypin e emigracionit shqiptar në Greqi, të vitit 2001, pikërisht shkrimin e titulluar: “Taborr Ministrash”. 22 ministra dhe 32 zv/ ministra. “Rekord” Botëror”! Atë kohë disa të huaj me haber, teksa mësuan këtë numër marramandës të ministrive dhe numrin e popullsisë shqiptare shqyen sytë! 22 ministra dhe 32 zëvendës, pale më drejtorët, zvëndësdrejtorët, sekretarkat…

Nëzgjedhjen e “taborrit” atë vit, morën pjesë rreth 1. 375000 zgjedhës. Për ketë qeveri votuan gati 20 përqind e zgjedhësve!…

Kanë kaluar gati 19 vjet, kanë rrjedhur mjaft rrëke dhe si rezulton bilanci? Rrëketë e politikës kanë sjellë ujë të pastër, apo bien ende ujë më të këllirosur, në rezervatin shqiptar, në çezmat e shqiptarve? Këtë llogari të shkoqur e bën çdokush.

Ku dhëmb- dhëmbi, shkon dhe gjuha!

Nga publikimi i para pak ditëve, bërë dhe në rrjetet sociale për  përbërjen e qeverive, të disa vendeve kryesore të Europës, numrin e ministrive, llafi erdhi se kishte shkuar me behçiun e fshatit, deri atje lartë, mes Këlcyrës e Mezhgoranit. Banorët e atyre anëve i kishin telefonuar menjëherë birit të tyre; Kiço Peshtanaku, alias Kristo Mërtiri. Dale more kishte thënë pendë hali, ta themi shqeto, ashiqare e pa çamçakiz në dhëmbë: Shqipëriza jonë edhe në këtë tregues është e para në tabelat renditëse, jo më në Europë, por edhe në botë, në raportin Ministër, ministri për banor!

Politkëbërsit dhe shtetdrejtuesit, në harkun kohor të stërtranzicionit, afro 30 vjet, refrenin “Reformë” e kanë pasur në majë të gjuhës, ditën dhe natën, pa e “qepur syrin”, madje me ambicien, duke iu referuar dhe kaluar vendeve më të përparuara: Psh, për dekriminalizimin është marrë modeli italian, hapja e dosjeve sipas përvojës gjermane, sistemi zgjedhor elektronik, i dështuar sipas Zvicrës, etj…

Një vështrim i shpejtë, me këmbë e këmbë në tokë, pas gjithë këtyre “reformave” rezulton, thuaj në gjithë opinionin qytetar, i testuar çdo mengjes në “Koha për t’u zgjuar” të gazetarit Bashkim Hoxha: “Varfëria e pllakosur, shpresa e vrarë, pasiguria e pasosur. Krimi dhe korrupsioni kanë këputur frerët. Politikanuk edukon, por shthur, nuk frymëzon, por demoralizon, nuk parandalon krimin, por e nxit krimin, nuk paqton, por i hasmëron njerëzit, për të zhvendosur konfliktin dhe zullumet nga qytetari me qeverisësit, midis qytetarëve! Nuk udhëheq, por sundon, nuk shërben, po rrëmben, “merr” modelin, por nuk merr mentalitetin, standartin”… Një qerre me zgjedhës, një vagon me ministra! Ku e kë model kemi marrë?! Askush nuk e thotë. Rasatin s’e gjen në asnjë kontinent, as në planet…

Shqipëria qeveriset nga kryeministri me; 14 Ministri dhe një zv. kryeministër.

Dhe përllogaritjet vijojnë: Për nga mesatarja e popullsisë, Shqipëria zë vendin e parë në botë të ministrave, duke lënë pas edhe SHBA, Gjermaninë me 15 ministra, Anglinë me 12, Italinë fqinje me 12, Turqinë me 15 ministri…

Disa nga vendet në botë: Numri i popullsisë dhe numri i Ministrive, dhe përqindja e popullsisë për çdo ministri.

 

Shtetet    Nr. i           R a p o r t et

Popullsisë Ministri    Ministra-Për banor

1.Shqipëri 2.8 milion =  14 ministra =1 ministër për   200000“

2.Irlanadë     4.1“=14   1  “   “ 292235 “

3.Norvegji    5.2“=14  1  “   “ 371428 “

4.Slloveni     5.4“= 13  1  “   “ 415384 “

5.Serbi         7.4“= 14  1  “   “528571”

6.Austri        8.5“= 13  1  “    “ 653846 “

7.Çeki         10.6“= 16   1  “   “ 662500 “

8.Greqi       10.7“ = 16  1  “  “ 668700 “

9.Portugali  10.5“  = 13  1  “  “ 807692 “

10.Rumani  19“  = 23   1  “  “826 086 “

11.Belgjikë  10.9“  = 12 1  “  “908333 “

12.Hungari  9.9  “        = 8   1  “  “1.237500 “

13.Poloni  38.5  “ = 12  1  “  “3.208 333 “

14.Itali        59“  = 16   1  “ “3.529411 “

15.Francë  65.3“= 16    1 “  “4.081125 “

16.Angli   62.2  “= 12  1   “ “5.183 000”

17.Turqi    76.2  “  = 15 1  “  “5.080000”

18.Gjermani 81.8  “ = 15  1 “  “5.453333 “

19.Rusi    142.3“= 20  1  “ “7.115 000 “

 

DISA PARLAMENTE NË EUROPË

Numri i popullsisë dhe numri i deputetëve

 

Italia          =59 mil. banor= 630 Depute t  = 1 deputet për mbi 94 mijë

Gjermania= 83 mil banor= 709     “           = 1   “            “        120 mijë

Franca       = 67  “    “        = 338    “           = 1   “             “        190 mijë

Britania     = 67   “   ”        = 650   “           = 1   “             “       120 mijë

Greqia:      = 10   “   “        = 250   “          =  1   “             “         40 mijë

Shqipëria  =2.8  “    “        = 140   “            = 1   “             “    20 mijë

 

Ahmeti, miku im kur u njoh me tabelën e ministrave më kërkoi të bëja një veprim të shpejtë matematikor me makinën llogaritëse: Nëse do të kishte këto raporte Kina si do të rezultonte: Do të kishte 9827 ministri, e ministra a ministresha!

Disa të motshëm sa e kishim marë vesh këtë bilanc, i’a kishin marë këngës në “Sheshi Rilindja ”:

Qaj moj Shqipëri/ Ulëri moj e gjorë/ Nga një ministri/ Për 1 mijë banor/Ndërsa deputet/ Një taborr, çdo çetë!…