Pas katër muajsh hetime në Prokurorinë e Përgjithshme, ish-ministri i Arsimit, Myqerem Tafaj është dërguar për gjykim në Gjykatën e Lartë, për akuzën e shpërdorimit të detyrës për abuzime me ligjin në kohën që ishte kreu i kësaj ministrie.
Lajmi konfirmohet nga organi qëndror i akuzës, që tha në rrugë jo zyrtare se Tafaj dyshohet të ketë shpërdoruar detyrën, por nuk provohet që nga vendimi i marrë prej tij, në kundërshtim flagrant me ligjin, të ketë patur përfitim financiar.
Sipas prokurorisë, abuzimet e ish-ministrit lidhen me një vendim që akreditoi disa programe në universitetin Vitrina, ndërkohë që ky universitet nuk i përmbushte kriteret.
Më herët, ish-ministrit i është komunikuar akuza nga prokurorët, por ai ka deklaruar se është i pafajshëm dhe se nuk e ka konsumuar këtë vepër.
Prokurorët shprehen se posedojnë prova të cilat tregojnë se Këshilli i Akreditimit e ka kundërshtuar kërkesën e Vitrinës për të hapur këtë universitet, vendim i cili i është deleguar Tafajt, që në përfundim rezulton të ketë hedhur firmën pro universitetit.
Hahahahahaha! Dhe ju mendoni se nisi te funksionoje drejtesia? Mos u beni naive, ajo ketu ka kohe qe ka vdekur! Asnje gjemb nuk do i hyje ne kembe, si gjithe zullumqareve te tjere. Do shohim e do me jepni te drejte……..