Tahiri më ka emëruar Koordinator Hashashi të Njësisë Pesë !

(Në ndihmë të harkëtarëve të SHQUPIT)

Daç besoni-mos besoni,
po pardje te kafja ime,
më erdhi Sajmir Tahiri,
me lajme dhe propozime.

Koburen plot me fishekë,
Tahiri gjithnjë e mban,
më dha shpejt një pliko lekë,
dhe një top marijuanë.

Si Kryetar i Partisë,
këtu zërin pak e trashi,
po të bëj kordinator,
dhe partie-dhe hashashi!.

Të dhashë një goxha pliko,
ne nderet i bëjmë të plota,
po veç gjysmat ke të tuat,
gjysma tjetër do blesh vota!.

Në gjirin e shoqërisë,
ti je një emër me peshë,
për llogari të Partisë,
njëqind vota do m’i blesh!.

Nuk bëra si i habitur,
por qëndrova krejt i qetë,
ti e di-vazhdoi Tahiri,
që neve jemi konkretë.

Hashashin ta zgjodha vetë,
s’është hashash-po është flori,
ndaj pije me muhabet,
kënaqu me shoqëri.

Kaq më tha Sajmir Tahiri,
në fund uroi:”Paçim fat,
të na rruajnë fundin e barkut,
ata që na kanë inat!.”

Ju them me zëmër në dorë,
pardje fati fort më ndriti,
se Tahiri me një dorë,
më dha rrogën e një viti!.

Nga propozim’ i Tahirit,
hiç në befasi s’u kapa,
dhe as në mëndje s’më shkoi,
që plikon t’ja ktheja mbrapa!.

Unë jam mjeshtër i rregjur,
mjeshtër i mobilizimit,
se kam qënë tek Socialistja,
që në ditën e fillimit.

Menjëherë hapa fletore,
shkrova gjithë emrat që dija,
u vura shënja të ndryshme,
kë do bindja-kë do blija!.

Në kokën time pjellore,
gëluan plot marifete,
po të bindja njëqind veta,
mbaja gjithë lekët për vete!.

Ditë e bukur-u kënaqa,
si kënaqi ju tani,
por të gjitha sa ju thashë,
ishin vetëm fantazi!.

Fantazia tek unë shkon,
se ajo me bukë më mban,
por fiks kështu ligjëron,
Flamur Noka në ekran!.

Del si një triumfator,
idiotizma duke kallur,
një handikapat i gjorë,
që nuk vlen as për t’u tallur!.

Bëra veten personazh,
mora drogë dhe të thatat,
për t’ju thënë se po kaq trashë,
i bën SHQUPI deklaratat!.

Deklarata në eter,
pa një fakt-e pa një foto,
mbete SHQUP dhe këtë verë,
në takëm që ishe proto!.