Katër milionë persona janë prekur nga pasojat dhe 14 persona kanë humbur jetën nga tajfuni “Magkhut” që ka goditur veriun e ishujve Filipine.
Mes viktimave janë dhe pjesëtarë te ekipeve të shpëtimit që po kërkonin për banorët e bllokuar nën një masiv dheu.
Të dhënat zyrtare flasin për dëme të mëdha.
Në ishullin e Luzonit, çdo ndërtesë ka pësuar dëme gjatë kalimit të tajfunit, i cili tashmë i është drejtuar Kinës me erëra deri në 185 km në orë.
Mijëra vetë janë evakuuar pas paralajmërimeve se niveli i vërshimit të ujërave mund të shkonte deri në 6 metra.
Në ishujt Filipine, stuhitë mund të shkaktojnë pasoja katastrofike, por autoritetet thonë se masat mbrojtëse janë përmirësuar që prej vitit 2013, kur gjatë kalimit të një tajfuni vdiqën më se 7 mijë persona.
l.h/ dita