Ministri i Shëndetësisë, Vangjel Tavo, ka dhënë sqarime në lidhje me vdekjen e fëmijës 11-vjeçar gjatë operacionit plastik në sy.
“Komplikacioni i rralë dhe i vështirë për tu përballuar. Komplikacioni njihet si hipertermi malinjë. Ndërhyrja është bërë nga mjekë të QSUT-së dhe një ekipi mjekësh vullnetarë i specializuar”, deklaroi Tavo.
Ministri u shpreh se “ne po hetojmë rastin ndërkohë pjesa tjetët i takon drejtësisë”.
Në një intervistë për “Albanian Screen” e ëma e të miturit Sheje Alimadhi tha se 4 orë pas ndërhyrjes mjekët e lajmëruan për komplikacionin e djalit të saj të cilit i kishte pushuar dy herë zemra gjatë operacionit.
11-vjeçari humbi jetën si pasojë e temperaturës së lartë mbi 43 gradë celsius ndërsa ampula, e cila do ti vinte në ndihmë nuk disponohej nga spitali.