“Të dielën hapet kantieri i parë për ndërtimin e Rrugës së Arbrit”

Pas mbledhjes së qeverisë në qytetin e Durrësit, kryeministri Edi Rama ka deklaruar se të dielën do të fillojnë punimet për ndërtimin e rrugës së Arbrit.

Në një konferencë për shtyp, Rama tha se rruga do të ndërtohet sipas standardeve europiane, teksa theksoi se do të vijohet edhe me rrugët e tjera.

Kreu i qeverisë u ndal edhe tek ulja e papunësisë në vend, si dhe tek krijimi i vendeve të reja të punës.

“Papunësia e regjistruar zyrtarisht dhe objektivisht nga INSTAT në mënyrë të pavarur në masën 18 % në 2014 kur ne vendosëm të bënim ndarjen historike të INSTAT nga zyra e kryeministrit, dhe sot që ky nivel është 14 % jemi të kënaqur.

Ecuria e punësimeve ka qenë pozitive. Përpjekjet tona po japin efekt. Jemi në një përpjekje serioze për punësim real. Do të vazhdojmë duke u bazuar në kushtet që po krijohen në ekonomi. Lajmi tjetër është se po rriten investimet e huaja. Më në fund do t’i japim fund 100 viteve ëndrra, heshtje, premtime, për rrugën e Arbrit, pasi të dielën që vjen hapet kantieri për Rrugën e Arbrit”, u shpreh kryeministri Rama.

s.a/dita