Të dyja Copat e opozitës janë çmendur plotësisht dhe përfundimisht!

Deklarimi i beftë i Lulashit,

i dha hov gazit të miletit,

se leku i madh i hashashit,

qenka futur në buxhetin e shtetit!

 

Miku im Amarildo Pregapuca,

që në postime e komente s’mungon kurrë,

reagoi menjëherë me humor,dhe tha:

“Ky është karllëk-more burrë!.”

 

Një tjetër shkroi:”T’i bëjmë Ramës monument,

monument me përmasa titanike,

se u paska marrë gjithë paratë trafikantëve,

për investime të fuqishme publike!.

 

Lulashi është një budallë i pakomplikuar,

një injorant gjenial i pafaj,

një përmendore të madhe Ramës i ka ndërtuar,

dhe po na reciton poshtë hijes së saj!.

 

Përse t’i vrasësh trafikantët si në Filipine,

përse t’i burgosësh të gjithë si tani këtu,

merru paratë nëpërmjet lidhjeve intime,

futi në buxhet e s’ka nevojë për burg e për hu!

 

Copa tjetër e opozitës keq ju përvesh Mogerinit,

si hashashiste dhe drogmene e kualifikuar,

para këtyre postimeve humori i Çarli Çaplinit,

do të na dukej një ndërmarrje e dështuar!.

 

Mogerini-kjo Sorosiane e pakamufluar,

me paratë e mbetura nga hashashi-e blerë,

meqë në BE me zë të lartë ka deklaruar,

se Shqipëria ka bërë përparime me shumë vlerë!.

 

Këta mallkojnë ata që mbështesin Shqipërinë,

Copa opozitare e Monikës-jo e Lulashit,

shajnë se pse në BE nuk duan t’ja dinë,

aspak për problemin madhor të hashashit!.

 

BE-ja është blerë nga Sorosi dhe Edi Rama,

me dollarë dhe hashash të cilësisë së parë,

gem më gem e paska zanun flama,

copën që s’e kishim menduar dhe s’e kishim parë!.

 

Që të dyja Copat e mëdha të opozitës,

me deklarime dhe postime lanë koqen e namit,

shyqyr që në këto kohë kanë veç rol ulëritës,

dhe s’kanë në dorë  asnjë nga fatet e Vatanit!

 

A.Duka