Tani nuk ka më asnjë dyshim dhe Milani e Juventusi sapo kanë mbyllur operacionin më të madh të merkatos mes tyre.
Kështu Gonzalo Higuain dhe Mattia Caldara do t’i bashkohen Milanit, ndërsa kapiteni i kuqezinjve, Leonardo Bonucci do të rikthehet edhe njëherë andej nga erdhi verën e kaluar.
Marrëveshja mes Milanit, Juventusit dhe palëve të përfshira në këtë pazar, është konkretizuar pasditen e sotme, ndërsa pritet vetëm hedhja e firmave mbi kontrata.
Higuain do t’i bashkohet Milanit me formulën e huazimit për 18 milionë euro dhe të drejtës së blerjes për 36 të tjera verën e ardhshme.
Nga ana tjetër, dy qendërmbrojtësit do të shkëmbehen kokë më kokë, teksa është rënë dakord që vlerësimi i tyre të jetë 40 milionë euro.
a.s/dita