Ne “të thjeshtët” besojmë se një shtet ndërtohet duke u mbështetur në ligje. Parlamenti vendos direktivat apo drejtimet kryesore. Qeveria i formalizon dhe i bën të zbatueshme si edhe kontrollon zbatimin e tyre. Po ç’ndodh realisht në “tokë”? Ta nisim aty ku baballarët e kombit marrin vendime “historike” në “të mirë” të popullit e jo të kolltuqeve. Aty, në vend të votimit të asaj reforme që po presim, dëgjojmë pordhët e Saliut. Flet e betohet qeveria për mjekësi falas e pa korrupsion, kur spitalet janë kthyer në hostele ku prenotohen krevatet. Mos të flasim pastaj për drejtesine e vajtur në dreq. Shtoi pastaj rrumpallën e viteve 90-të e pastaj, po munde, bëj llogaritë e asaj që ndodh sot.
Edhe kur qeveria bën një ligj, çohet një malum dhe bën be e rrufe se sa të vijë në pushtet nuk do lerë ligj në këmbë. Bile thotë se energjia elektrike do të jetë falas për shtresat në nevojë! Po a e di shoku Lul se Shqipëria është e gjitha në nevojë? Si do ta përballojë malumi furnizimin me energji të popullatës nevojtare? Veç nëse kthen mbrapsht një pjesë paresh të rrugës së kombit. E për qershi mbi tortë,
duhet emri i presidentit të gardheve. Imagjino pastaj se në ç’pozicion gjendet populli. Nga Profeti.