Të kam thënë

Të kam thënë, moj flutur
Po ti nuk përgjigjesh:
“Mos iu afro flakës .
Në s’do që të digjesh!…”

Të kam thënë, moj flutur,
Po ti më mërzitesh:
“Mos iu afro dallgës
Në s’do që të mbytesh!…”

Të kam thënë sërish,
Po ti nuk dorëzohesh:
“Mos iu afro dritës
Në s’do të verbohesht . ”

Të kam thënë, moj flutur,
Po dhe ti më thua:
“Dhe flakën dhe dallgën
Dhe dritën e dua…”

Dhe flakën dhe dallgën
Dhe dritën e dua;
Nuk e njohu frikën,
Kush u dashurua…
Korrik 2005

Mallin kush ma tret?. . .

Motiv popullor

Etja ç’më ka marrë
Vallë kush ma shuan,
Kush m’i shëron buzët
Që m’u përvëluan,

Kush m’i shëron buzët,
Ashtu siç di ti,
Me ato burime
Që m’i ke në gji!.

Me ato burime
Që rrjedhin nga gjinjtë;
Njëri i argjendtë,
Tjetri i florinjtë!.

Nga puthjet e tua
Ëndërr m’u bë jeta;
Për të shur etjen
Ilaçin e gjeta.

Zjarrin dot s’e shova
Lumi të më marr
Se zjarri që digjet
Nuk shuhet me zjarr.

Elbasan, 1.02.2007

Pa titull
Kujtoj me mall një dashuri që pata
E gdhendur në zjarr porsi shpata;
Kujtoj me mall një zjarr, një dashuri
Në zjarr u gdhend dhe aty u shkri!…
• Gusht, 2004

Pa titull
I këndove, Esenin, Shaganesë
Dhe s’doje veç saj një tjtër nuse;
Ti më habit, i dashur, për besë
Unë do kisha vdekur për një ruse.

Stamboll, 25.01.2005