Lutje në heshtje e Doktor Berishës)
Nga Ismail Xhaferri
Të lutem zoti im i madh
Afroma barkën e shpëtimit
Mos lejo dhënien e statusit
Tani në kohën e Edvinit
Të lutem zoti im i madh
Shtyja “Evropën” Shqipërisë
Dhe prit sa të rikthehem unë
Sërish në ballë të qeverisë
Të lutem zoti im i madh
Të futem unë në histori
Ndaj lërmë sa ta heq Edvinin
Dhe Luli Bashën krejt ta fshij
Të lutem zot se s’duroj dot
Të mburret ky Edvin legeni
Po ti e di o zot i madh
Që asht bllokmen e bir bllokmeni
Të lutem zoti im i madh
Prit dhe ca kohë ta marr unë namin
Të kesh besim se nuk jam vetëm
Më vete kam dhe Kaç Islamin
Të lutem zoti im i madh
Që rri mbi qiell e mbi re
Largoje nga komisioner
Edhe njëfarë Shtefan Fyle
Të lutem zoti im i madh
Armiqtë e mi zëri me hu
Së fundi shumë në qafë më bie
Një tip me emrin Arvizu
Të lutem zoti im i madh
Se Arvizuja më prish punë
Përkrah sa mundet qeverinë
Dhe natë për natë më del në gjumë
Të lutem zoti im i madh
T’i thashë të gjitha ç’kam në bark
Ndaj merre dyshen Rama-Meta
Dhe syrgjynose sa më larg
Të lutem zoti im i madh
Mendimin tim po ta them copë
O firma ime përmbi status
O kurrë mos hyfshim në Evropë