Kini kujdes me lakrat këtë vit. Një burrë në Britaninë e Madhe u shtrua në spital për shkak se hëngri shumë lakra Brukseli gjatë festës së Krishtlindjeve. Vitamina K në gjethet jeshile ndërhyri në mjekimin për hollimin e gjakut që burri po merrte, duke i shkaktuar atij një atak kardiak.
Skocezi u shtrua në spital ku mjekët u habitën me gjendjen e tij derisa zbuluan sasinë e madhe të lakrave të ngrëna. Tashmë ai është më mirë.
Drejtori i spitalit tha se ky është rasti i parë i ndodhur që dikush të shtrohet në spital nga ngrënia e lakrave të Brukselit, ata tashmë kanë arritur ta vënë gjendjen nën kontroll.
Ndërkohë një nga doktorët e zemrës deklaroi se pacientët të cilët marrin hollues gjaku në përgjithësi nuk këshillohet të marrin shumë jeshillëqe, pasi ato janë plot vitaminë K dhe bien ndesh me mjekimin e dhënë.