Një ngjarje rëndë ka tronditur kryeqytetin mbrëmjen e sotme. Një vajzë 17-vjeçare është ekzekutuar me armë zjarri, ndërsa një i ri, 23-vjeçar, ka mbetur i plagosur rëndë. Sipas policisë së kryeqytetit, ngjarja ka ndodhur rreth orës 18:17 në zonën e Laprakës, kur janë plagosur me armë zjarri në rrethana ende të paqarta plotësisht Griselda Gjikolaj, 17 vjeçe dhe Erjon Benga, 23 vjeç.
Sipas policisë lokale, 17-vjeçarja ka ndërruar jetë në spitalin e Traumës, si pasojë e dy plumbave të marrë në kokë, ndërsa 23-vjeçari ndodhet në gjendje të rëndë shëndetësore.
Dy të rinjtë kanë qenë brenda në makinë kur dyshohet se janë qëlluar nga dy persona të maskuar. Në vendngjarje mësohet se janë gjetur 4 gëzhoja. Aktualisht policia vijon të jetë në vendin e ngjarjes dhe ka nisur hetimin për zbardhjen e rrethanave të kësaj ngjarje dhe për identifikimin dhe kapjen e autorëve të mundshëm të përfshirë në këtë krim të rëndë.
v.l/ Dita
v.l/ Dita