E rëndë në Fier: I merr armën policit brenda Urgjencës, disa të plagosur

Disa persona raportohet se janë plagosur në qytetin e Fierit.

Ngjarja ka ndodhur mbrëmjen e së shtunës.

Pas transportimit të viktimave në spital, një nga personat e përfshirë i ka marrë armën policit dhe ka hapur zjarr brenda në Urgjencën e Spitalit, duke shtuar numrin e të plagosurve.

Sipas të dhënave paraprake mësohet se fillimisht ka ndodhur një sherr mes dy grupeve, të cilët janë konfliktuar me sende të forta, ndërsa më pas sherri ka degjeneruar në përdorimin e armëve.

Ky sherr ka ndodhur në Levan dhe të plagosurit kishin shkuar më pas në Fier për të marrë ndihmë mjekësore.

Në Urgjencën e spitalit një prej shoqërueseve të të dëmtuarve i ka marrë armën e zjarrit nga brezi punonjësit të policisë dhe ka plagosur një prej familjarëve të palës tjetër

Në spital kanë mbërritur forcat e FNSH.

Sipas drejtorit të policisë, Andon Marku janë shoqëruar dy persona në polici.

Policia në njoftimin e saj i ka dhënë personat e përfshirë me iniciale.

Opozita ka akuzuar se po fshihet identiteti i personave të përfshirë në ngjarje, të lidhur me kreun e Kuvendit, Gramoz Ruçi.

Sipas policisë, “për hetimin e kësaj ngjarje Drejtori i Përgjithshëm i Policisë së Shtetit ka ngritur një grup të posaçëm hetimor me Specialistë të Hetimit të Krimeve të Rënda në Departamentin e Policisë Kriminale. Njëkohësisht me urdhër të Drejtorit të Përgjithshëm të Policisë së Shtetit në vendngjarje kanë shkuar edhe specialistët e Drejtorisë së Standarteve Profesionale në Polici, për të verifikuar veprimet e punonjësve që ishin në momentet e para në Urgjencën e spitalit”

j.l./ dita