Te Unaza e Re/ Basha: Kjo është një betejë për t’i dhënë fund regjimit të hajdutëve

Protestës së banorëve të zonës për mosprishjen e ndërtesave te Unaza e Re, këtë të dielë i është bashkuar edhe kryeu i Partisë Demokratike, Lulzim Basha.

Gjatë fjalës së tij atje, kryeu i opozitës ka akuzuar sërish qeverinë, duke përmendur ato që sipas tij janë disa afera korruptive, ku edhe për çështjen e Toyota Yaris akuzoi kryun e grupit parlamentar të PS, Taulant Ballën,

Basha theksoi se: “Nuk shkohet në Europë me një kryeministër hajdut!”.

Basha, ndër të tjera, tha:“Një e keqe e madhe i ka bërë bashkë qytetarët, që ka zaptuar vatrat e familjeve në unazën e re. Qindra vogëlushe janë në tmerr pasi prindërit nuk e dine në se do e kenë një strehë mbi kokë”.

Kreu i PD vijoi: “Pa u hetuar dhe pa u çuar para drejtësisë Edi Rama dhe gjithsecili prej bashkëpunëtorëve të tij nuk ka dhe nuk mund të ketë Shqipëri europiane. Këtë e kemi thënë prej fillimit ne demokratët, ne opozitarët, këtë sot e ka thënë me një gjuhë të qartë edhe Brukseli. Europa ka treguar se sa e drejtë dhe legjitime është kauza me të cilën nisi beteja e opozitës, beteja e Partisë Demokratike dhe aleatëve tanë.

40 mln euro u vodhën me aferën e Unazës së Re, u ndryshua rrjedha e Lanës që të ndërtonte miku i Balles dhe Ramës. Shikoni policët, edhe ata janë prindër, por në vend që të shërbejnë ligji, i shërbejnë sot antiligjit, i cili ka urdhëruar arrestimin e disa personave.

Balla është mundësuesi i pastrimit të qindra mln eurove të Toyata Yaris. Tahiri e ktheu Shqipërinë në hambar droge. Në një vend ku kriminelët janë të lirë e baballarët në burg ky vend nuk e ka vendin në Evropë.

Nuk shkohet në Europë më një kryeministër hajdut narkotrafiknat dhe pa zgjedhje të lira. Shqipëria si Europa është thirrja e çdo demokrati është urdhëresa më e shenjtë për opozitën e bashkuar, ndaj sonte luftojmë për gjëra të shenjta që na bashkojnë, për fëmijët tanë, për shenjtërinë e banesës, ligjin.

Luftoni për fëmijët tuaj. Mos të presim që e keqja të tmerrojë fëmijët tuaj, po të rrimë e këtu e ta luftojmë atë. Dështimi i sotëm mban vulën e Edi Ramës. Shkaktari i aferës në Unazën e re, ai që po i mbyll dyert Shqipërisë.

Kjo nuk është një betejë për pushtet, por për t’i dhënë fund regjimit të hajdutëve, t’i japim fund një tranzicioni të tmerrshëm. Koha kur Shqipëria po ecën indietro po merr fund, 6 muaj më parë shumë kush nuk besoi, por sot Europa flet me gjuhën e qytetarëve që duan ndryshim”.

e.ll./dita