Sipas MeteoAlb: Pjesa e parë e ditës do të jetë në dominimin e vranësirave të shpeshta të cilat do të sjellin reshje shiu në zonat bregdetare dhe të ulëta, ndërsa në zonat malore reshje dëbore.
POR në pjesën e dytë të ditës parashikohet të ketë dobësim gradual të vranësirave duke sjellë dhe momente me kthjellime në orët e pasdites së vonë.
Temperaturat e ajrit do të ulen në mëngjes dhe do të rriten lehtë në mesditë duke u luhatur nga 0°C deri në 14°C.
Era do fryjë e lehtë dhe mesatare në det me shpejtësi 35 km/h nga drejtimi Verilindor duke krijuar dallgëzim 2 deri 3 ballë.