Një person i paidentifikuar ka tentuar të hyjë me forcë në bazën ushtarake në Maqedoninë e Veriut. Lidhur me këtë incident të ndodhur në bazën “Goce Dellçev” në Shkup, Ministria e Mbrojtjes ka dhënë detaje.
Ajo thekson se ushtarët kanë qëlluar me armë dhe për pasojë është plagosur autori, raportojnë mediat vendase.
“Personi edhe më tej nuk i ka dëgjuar paralajmërimet, me ç’rast me njërin plumb është qëlluar në thembrën e këmbës së djathtë. Konform procedurave i është dhënë ndihma e parë dhe është transportuar në spital. Menjëherë janë njoftuar organet kompetente hetuese”, tha ministria e Mbrojtjes”.
Policia ushtarake, MPB-ja dhe prokurori publik kanë dalë në vendngjarje dhe po mbledhin informacionet mbi këtë incident.
b.b/dita