Një 23-vjeçar i shumëkërkuar për tentativë vrasje nga policia e Shkodrës u arrestua mëngjesin e djeshëm në kryeqytet. Komisariati i Policisë Nr. 4, bëri të mundur në rrugën “Kongresi i Manastirit”, ndalimin e të dyshuarit Reinold Terolli, banues në Shkodër, i kërkuar prej datës 15 nëntor 2013, pasi Prokuroria e Rrethit ka dërguar urdhrin e ndalimit, sepse akuzohet se ka konsumuar veprat penale të “vrasjes me dashje, e mbetur në tentativë” dhe “armëmbajtje pa leje”. Ndërsa, gjatë kontrollit të ushtruar në banesën e tij, të ndodhur në rrugën “Siri Kodra” në Tiranë, iu gjend një armë zjarri e tipit pistoletë model “Blow-Compact”, që do ekspertohet nëse është përdorur në ngjarje të tjera, si edhe një sasi lënde narkotike kanabis sativa, të cilat u sekuestruan në cilësinë e provës materiale. Ndaj Terollit rëndojnë edhe akuzat “prodhim dhe mbajtje pa leje të armëve luftarake e municionit” dhe “dhunim banese” e “prodhimi dhe shitja e narkotikëve”.