Tenton t’i marrë djalin me forcë bashkëshortes, arrestohet shtetasi Dhimitër Xhollo, 29 vjeç, banues në fshatin Dërmish, Sarandë.
Një ditë më parë Xhollo ka marrë informacion se bashkëshortja e tij ndodhej së bashku me fëmijën e tyre në një lokal pranë vendit të quajtur “Ura e Kranesë”, Sarandë.
I riu ka shkuar aty për t’ia marrë djalin me forcë, ndonëse ndaj bashkëshortes kishte një urdhër mbrojtje që ai të mos i afrohej asaj.
Gruaja ka njoftuar policinë për rastin në fjalë dhe kjo e fundit ka bërë të mundur arrestimin në flagrancë të tij. Materialet iu referuan Prokurorisë për veprën penale “Veprime në kundërshtim me vendimin e Gjykatës”.